Alemanya: Mga Krimen ng Kapootang Xenopobiko ay Tumaas ang Bilang na 62 na mga Moske Vandalized noong 2022
Ang mga Neo-Nazi at pinakakanang mga ekstremista ay nakagawa ng 23,493 na mga krimen sa Alemanya noong nakaraang taon, sinabi ng gobyerno noong Martes.
Iniharap ng Alemanyang Ministro ng Panloob na si Nancy Faeser ang ulat ng gobyerno tungkol sa mga krimen na may motibo sa pulitika sa isang pakikipagpanayam ng balita sa Berlin.
"Ako ay partikular na nag-aalala na nagkaroon ng matinding pagtaas sa mga pag-atake laban sa mga taong takas," sinabi ni Faeser, na itinuturo na ang mga naturang pag-atake ay tumaas ng 9% noong nakaraang taon.
“Lubhang hindi makatao ang pag-atake sa mga taong sino tumakas mula sa digmaan at takot, at nakahanap ng proteksyon sa ating bansa. Ang pinkakanang ekstremismo ay patuloy na nagdudulot ng isang partikular na mataas na panganib," sabi niya.
Ayon sa ulat, ang mga neo-Nazi at pinakakanang mga ekstremista ay nagsagawa ng 1,170 na mga marahas na pag-atake noong nakaraang taon na nagpuntarya sa mga migrante, mga taong takas, o mga kalaban sa pulitika. Hindi bababa sa 675 katao ang nasugatan sa mga pag-atakeng iyon.
Nakapagtala din ang pulisya ng Alemanya ng 5,372 na mga pangyayaring xenopobiko, 2,641 anti-Semitiko, at 610 na mga krimeng Islamopobiko.
May 62 na mga moske ang inatake sa pagitan ng Enero at Disyembre noong nakaraang taon, at hindi bababa sa 39 na katao ang nasugatan dahil sa anti-Muslim na karahasan, alinsunod sa mga opisyal na bilang.
Nasaksihan ng Alemanya ang lumalagong rasismo sa nakalipas na mga taon, na pinalakas ng propaganda ng pinakakanang mga grupo at mga partido, na alin nagsamantala sa krisis ng mga taong takas at nagtangkang mag-udyok ng takot sa mga imigrante.
Pinagmulan: Anadolu Agency
