Chuo Kikuu cha Waislamu nchini India chaanza kazi ya mpango wa anga za mbali

NEW DELHI (IQNA) - Chuo Kikuu cha Kiislamu cha Aligarh (AMU), chuo kikuu kikuu cha umma huko Aligarh, Uttar Pradesh ya India, kimezindua mpango wa anga za mbali ambao unalenga kurusha satelaiti katika siku zijazo.

AMU imeanzisha kazi kwenye mpango wake kabambe wa anga za mbali, ambao umeidhinishwa na Kituo cha Kitaifa cha Utangazaji na Uidhinishaji wa Anga za Mbali cha India (IN-SPACE), kinachofanya kazi chini ya Idara ya Anga.

Mradi huo unahusisha uundaji wa ‘SS AMU SAT’, programu ya kwanza ya satelaiti iliyopewa jina la mwanzilishi wake, Sir Syed Ahmad Khan.

SS AMU SAT ni Mradi wa Nanosatellite ambao ulianza mnamo Novemba 2021 chini ya Klabu ya AMU ya Robo.

Setilaiti hiyo ni 3U CubeSat yenye malengo mengi ambayo ni pamoja na utafiti wa ukuaji wa uchumi katika wilaya maskini zaidi za India kwa kutumia taswira ya setilaiti na utekelezaji wa teknolojia ya  usambazaji wa medianuwai kwa kasi zaidi.

Mbali na hayo, satelaiti hiyo pia itafanyia majaribio mifumo midogo ya satelaiti ambayo imejengwa ndani ya chuo hicho

Mradi huu uliwasilishwa kwa IN-SPACE mnamo Januari 2023, kwa idhini, usajili, ugawaji wa masafa na uzinduzi wa SS AMU SAT.

Mnamo Septemba 2023, Kamati ya Satellite ya Wanafunzi, inayoongozwa na Dk P.K. Jain, Mkurugenzi wa (PMAD), IN-SPACE, lipitia muundo huo na kupitisha pendekezo hilo kwa masharti kwamba AMU itasaini Mkataba wa Makubaliano (MOU) na IN-SPACE kwa shughuli zote kuanzia maendeleo ya SS AMU SAT hadi uzinduzi wake kwenye Obiti ya Karibu ya Dunia.

Timu ya wanafunzi, ambayo inahusika katika maendeleo ya mradi huo, inaongozwa na Poorti Varshney na kuongozwa na Dk. C. A. Prabhakar (Mkurugenzi wa Zamani wa Mradi, ISRO) na Faraz Ahmad.

Mradi huo umepokea msaada wa kiufundi kutoka kwa wahitimu wa AMU wanaofanya kazi na ISRO na wataalam kadhaa wa viwanda kote ulimwenguni.

Mradi huo umepangwa kuzinduliwa kwa muda wa miezi sita.

3485798