Ang Kilusang Nujaba ng Iraq ay Hinihimok ang Pagtugon ng Mundo ng Muslim sa Paglapastangan sa Qur’an sa Ukraine
Mahigpit na kinondena ni Nujaba sa isang pahayag ang pagkilos ng kalapastanganan, na nagsasabing ang lahat na mga Muslim sa buong mundo ay galit sa pag-insulto sa Aklat ng Diyos ng ilang mga sundalong Ukrainiano.
Binibigyang-diin ang kahalagahan ng pag-iingat sa mga banal na Islamiko, sinabi ng pahayag na ang gayong nakakainsultong hakbang ay nag-ugat sa kinasusuklaman na kultura ng mga tagasuporta ng US at Zionismo.
Sinabi nito na higit sa isang bilyong mga Muslim sa mundo ang may pananagutan ang pamahalang Ukrainiano para sa kakila-kilabot na gawain.
Nanawagan din ang Nujaba sa lahat ng mga Muslim na mga bansa at mga pamahalaan na kumilos nang responsable sa pagtatanggol sa Aklat ng Diyos at ilagay ito sa kanilang agenda upang muling isaalang-alang ang mga ugnayan sa pamahalaan ng Kiev kung kinakailangan.
Hinikayat pa ng kilusan ang bansa at gobyerno ng Iraq na manguna sa pagpapatibay ng mapagpasyang paninindigan laban sa kilos ng kalapastanganan.
Si Sheikh Khizr Shahrour, isang kinatawan ng ministro ng Awqaf ng Syria, ay tinuligsa din ang paglapastangan sa Qur’an at sinabing ito ay isang hakbang na naglalayong gawing isang panrelihiyong digmaan ang isang digmaang pampulitika.
Sinabi niya sa RT Arabik sa isang panayam na ang pananahimik ng pamahalaang Ukrainiano sa kakila-kilabot na hakbang ng mga puwersang militar nito ay nangangahulugan na inaprubahan ito ng Kiev.
Ang radikal na mga elemento sa hukbo ng Ukrainiano ay naglabas kamakailan ng isang video na nagtatampok sa kanilang paglapastangan sa isang kopya ng Banal na Aklat ng Islam.
Ang TikTok video na nai-post sa onlayn ay nagpapakita ng mga sundalong Ukrainiano na pinupunit ang isang pahina mula sa isang kopya ng Qur’an at inilagay ito sa apoy, kung saan ito ay nasunog pagkatapos.
