Taimakon Qatar ga Musulman Rohingya 'yan gudun hijira
A rahoton shafin Relief Web, tawagar agaji na gidauniyar Qatar Charity Foundation, tare da hadin gwiwar hukumomin gwamnatin Bangladesh da hukumar kula da 'yan gudun hijira ta Majalisar Dinkin Duniya, sun raba na'urorin gas na dafa abinci ga iyalan 'yan gudun hijira a Basan Char. Jami'an gwamnatin Bangladesh sun godewa Qatar Charity bisa aiwatar da ayyuka don amfanin 'yan gudun hijirar Rohingya a kasar.
Tun farkon rikicin 'yan gudun hijira na Rohingya, Qatar Charity ta gudanar da ayyukan jin kai daban-daban don tallafa musu. Wadannan taimako sun hada da samar da matsuguni, ba da agajin gaggawa da ayyukan kula da lafiya, da samar da ruwan sha. 'Yan gudun hijira 23,1966 ne suka ci gajiyar ayyukan agaji na Qatar a cikin shekaru biyu da suka gabata.
A halin yanzu, sama da 'yan gudun hijira musulmin Rohingya 950,000 ne ke zaune a sansanonin Cox's Bazar. Jami'an gwamnatin Bangladesh sun kwashe 'yan gudun hijira kusan dari zuwa Basanchar a wani mataki na rage cunkoso a sansanonin.
Qatar Charity kungiya ce mai zaman kanta wacce aka kafa a shekarar 1992 kuma tana mai da hankali kan batutuwa kamar taimakon jin kai da karfafawa a ciki da wajen Qatar.
