Таъсиси як муассисаи бузурги исломӣ дар Аврупо
Ба гузориши манобеи хабарӣ, Шамсуддин Муҳаммад Ҳафиз, раиси масҷиди бузурги Париж ибтикор амали таъсиси анҷумани «Иттиҳоди Масоҷид, ҷамъиятҳо ва раҳбарони исломӣ дар Аврупо» (Амал)»-ро ба даст гирифтааст.
Ин анҷуман, ки мақарри он дар Париж хоҳад буд, чандин дафтар дар Аврупо аз ҷумла дар мақарри Иттиҳодияи Аврупо хоҳад дошт.
Ин анҷуман шомили гурӯҳе аз барҷастатарин шуюух ва намояндагони масоҷид ва анҷуманҳои исломӣ дар Аврупо мешавад.
Аъзои муассиси ин анҷуман, ки аз 17 кишвари аврупоӣ ҳастанд, истиқбол ва ҳимояти худро аз ин ибтикор эълом карданд ва бар аҳамияти дифоъ аз Ислом дар кишварҳое, ки дар он зиндагӣ мекунанд ва низ бар таомули мусбат бо ҷомеае, ки дар он ҳастанд, таъкид карданд.
Ин анҷуман аввалин ҷаласаи худро дар мақарри доимии худ дар масҷиди ҷомеъи Париж бо шиор ва аҳдофи мутааддиде аз ҷумла тарвиҷи Исломи ақлонӣ ва одилона ва нашри арзишҳои он, мубориза бо табъиз алайҳи мусулмонон, иттиҳод алайҳи нафратпарокании мазҳабӣ, табъиз алайҳи мусулмонон дар Аврупо, мубориза бо ифротгароӣ ва даъват ба шаҳрвандии комил ва зарурати ширкат дар интихоботи Аврупо барои мумонаъат аз қудрат гирифтани ҷаноҳи рости ифротӣ баргузор кард.
Раиси масҷиди ҷомеъи Париж дар конфронси матбуотии худ гуфт, ки ӯ ин анҷуманро бар асоси қавонини Фаронса эҷод карда, ки натиҷаи солҳо кор аст ва ҳадафи он муттаҳид кардани садоҳо ва талошҳо дар миёни ниҳодҳо ва раҳбарони мусулмон дар Аврупо, интиқоли ҷанбаҳои равшани Ислом ба унвони паёми сулҳ, ҳифозат аз каромат ва шаҳрвандии мусулмонони аврупоӣ ва ҳамчунин тақвияти ҳамзистӣ дар байни ҷавомеъи мухталифи қорраи Аврупо аст.
Вай афзуд: адами ҳамоҳангӣ байни ниҳодҳои исломӣ, доманаи кор ва садои моро заиф мекунад ва зарурӣ аст, ки ин ҳамоҳангӣ эҷод шавад.
Муҳаммад Ҳафиз таъкид кард, ки «мадориси зиёде вуҷуд дорад» ва «дарҳо комилан боз аст»; Бинобар ин ба думболи ҳамоҳангӣ ва ҳамкорӣ бо ҳама аз ҷумла ниҳодҳои мазҳабии бузург монанди Ал-Азҳар аст зеро дар ваҳдат, қудрат аст.
https://iqna.ir/00HfbY
